مواقع لازم تدمنها أكتر من فيسبوك وتويتر !

مواقع لازم تدمنها أكتر من فيسبوك وتويتر !

اولاً علشان تشتغل صح و تنجح في شغلك اون لاين يبقي لازم تستغل وقتك صح و تبدأ بتغيير استخدامك لـ الانترنت و علشان كدا في موضوع النهارده جبتلكم 5 مواقع ممكن تساعدكم سواء في الشغل اون لاين و زياده مهاراتك او حتي لزيادة معلوماتك العامة و اطلاعك علي كل جديد بدل تضييع الوقت و عدم الاستفاده من الانترنت .. و علشان كدا حبيت الموضوع ده يكون اول تدوينة و تكون البداية في تحقيق هدفك ان شاء الله .

اول موقع هو – تيد TED :
تقريبا مش بيعدي يوم إلا ولازم ادخل علي تيد ، ted هي اختصار لـ Technology تكنولوجيا.. Entertainment  ترفيه.. Design  تصميم.. تيد عبارة عن مؤتمر او قاعة محاضرات بيجيلها الناس من مختلف انحاء العالم ، و فيها محاضرات ناس مبدعين زي بيل جيتس (مؤسس شركة Microsoft)، بيل كلينتون، لاري بايج (مؤسس Google) وغيرهم كتير ،، الفكرة ان ted بـ يمنحهم 18 دقيقة كحد أقصى لإلقاء أفضل محاضرة في حياتهم .. وبتكون فعلا روعة.
اللينك ده فيه كل محاضرات الموقع مرتجمة للغة العربية
Ted
(بعد فتح الرابط انتظر 5 ثواني وبعدها اضغط علي " تخطي الاعلانات " او " Skip AD " )

لو شوفت محاضرة يومياً صدقني هتفرق كتير :))
تاني موقع هو – Udacity او coursera
الموقع ده من ضمن المواقع اللي بدفع اشتراك النت عشانها ، واحد من اشهر مواقع الكورسات الاونلاين علي النت ، هتلاقي عليه كورسات مجانية في كل المجالات واحيانا بتاخد شهادة بعد ما تخلص الكورس ، الموقع كنز لاي حد عايز يتعلم ، الكورسات بتكون باللغة الانجليزية ، فحاول تحسن من لغتك عشان تقدر تتفاعل مع كل محتويات الكورس وحلقات النقاش .
https://www.udacity.com . https://www.coursera.org

(بعد فتح الرابط انتظر 5 ثواني وبعدها اضغط علي " تخطي الاعلانات " او " Skip AD " )

تالت موقع هو – رواق :

اغلب المحتوي العلمي علي النت بيكون باللغة الانجليزية ، وده بيكون عائق امام بعض الناس اللي مستوي اللغة عندهم ضعيف . المحتوي العربي الفترة الاخيرة بدات تظهر فيه بعض المواقع المحترمة واللي مبذول فيها جهد رائع ، زي مثلا رواق .
رواق هي منصة بتقدم كورسات باللغة العربية في مختلف المجالات ، انا تابعت منهم 5 كورسات واستفدت جدا منهم ، الكورسات كلها مجانية والتسجيل فيها سهل جدا .
http://www.rwaq.org

(بعد فتح الرابط انتظر 5 ثواني وبعدها اضغط علي " تخطي الاعلانات " او " Skip AD " )

رابع موقع هو – موقع ويكي هاو :

” اسأل مجرب ولا تسأل حكيم ” ،،، نفسك تعمل حاجة معينة ومش عارف الطريقة ، طريقة عمل المكرونة مثلا ؟ ، التزلج علي الجليد ؟ تصميم ؟رسم ؟ ……… الخ
” الموقع ده موسوعة عن كيفية عمل أي شيء، و علشان كدا جميع مقالات ويكي هاو بتبدأ بـ  كيف ” أو “ How to ”
تقريباً 100 الف مقال في شتي مجالات الحياة ، والفيديو لا يتعدي الـ 10 دقائق ، الموقع متوفر ب 60 لغة منهم العربية اظن مفيش احسن من كدا .
http://www.wikihow.com/Main-Page

(بعد فتح الرابط انتظر 5 ثواني وبعدها اضغط علي " تخطي الاعلانات " او " Skip AD " )

خامس موقع معنا هو – موقع العلوم الحقيقية ، او الباحثون السوريون
الموقعين رائعين ، بينشروا احدث ما وصل اليه العلم من ابحاث واكتشافات ومقالات مترجمة ، بالاضافة لمقالات في اغلب مجالات الحياة ( طب – رياضيات – اقتصاد – نفس – …..الخ… )
تابعهم وهتستفاد جدا ان شاء الله .
http://real-sciences.com  .. http://www.syr-res.com

(بعد فتح الرابط انتظر 5 ثواني وبعدها اضغط علي " تخطي الاعلانات " او " Skip AD " )

المواقع دي لو حضرتك تابعتها بشكل يومي ، مقدار العلم اللي ممكن تحصله منها يعادل العلم اللي اخدته في التعليم الحكومي و يزيد كمان عليه ، وكل اللي انت محتاجة ( كمبيوتر – نت – قلم وورقة – وحبة ارادة ) .
اتمني تكون المقالة عجبتكم

وأرجو متابعتنا والاشتراك فى المدونه فنحن نكتب من أجلكم 

حل جميع المشكلات .. فى موقع تبسيط العلوم

اعرف شخصيتك من برجك